Reglur um mætingar

Ef nemandi mætir í kennslustund þegar 15 mínútur eru liðnar af kennslustundinni telst nemandinn vera fjarverandi.

Umsjónarkennari sendir mætingu heim vikulega – Foreldrar og nemendur hafa viku til að bregðast við.

Mætingareinkunn verður gefin í heilum og hálfum tölum. Við hvern punkt lækkar mætingareinkunn um 0,1.

Viðbrögð við versnandi mætingu

• Ef nemandi fer niður fyrir 8 í mætingareinkunn ræðir umsjónarkennari  við nemandann.
• Ef nemandi fer niður fyrir 7 í mætingareinkunn hefur umsjónarkennari  samband við foreldra.
• Ef nemandi fer niður fyrir 6 í mætingareinkunn vísar umsjónarkennari  málinu til nemendaþjónustunnar og boðar foreldra á fund.
• Ef nemandi fer niður fyrir 5 í mætingareinkunn vísar umsjónarkennari í samráði við nemendaþjónustu máli nemandans  til skólastjóra/aðstoðarskólastjóra sem boðar foreldra á fund.
• Ef nemandi fer niður fyrir 4 í mætingareinkunn vísa skólastjórnendur málinu til nemendaverndarráðs og Vesturgarðs.
• Ef nemandi fer niður fyrir 2 í mætingareinkunn vísa skólastjórnendur málinu til nemendaverndarráðs og barnaverndar.