Nemendur fá sérkennslu og/eða stuðning samkvæmt mati/greiningu fagaðila. Einnig getur fagkennari vakið athygli á slökum námsárangri og þá hefur umsjónarkennari samband við foreldra og bendir á þann möguleika að sækja um námsaðstoð. Í öllum tilfellum er haft samráð við foreldra/forráðamenn.
Sótt er um á sérstökum eyðublöðum, þar sem ástæður eru tilgreindar og hvaða aðstoð er beðið um. Reynt er að koma til móts við allar óskir. Aðstoðin getur varað í lengri eða skemmri tíma eftir þörfum og eftir því hvernig nemandi nýtir sér aðstoðina.
Umsjónarkennari er lykilmaður í þessu ferli en hægt er að hafa samband beint við sérkennara eða námsráðgjafa ef grunur leikur á að barnið þurfi á aðstoð að halda. Öll mál eru skoðuð með jákvæðu hugarfari.
